മന്ത്രി ആന്റണി രാജുവുമായുള്ള ചര്‍ച്ച പരാജയം; സ്വകാര്യ ബസ്സുടമകള്‍ സമരത്തിന് നോട്ടീസ് നല്‍കി
തിരുവനന്തപുരം: ഗതാഗത വകുപ്പ് മന്ത്രി ആന്റണി രാജുവുമായി നടത്തിയ ചര്‍ച്ച പരാജയപ്പെട്ട സാഹചര്യത്തില്‍ പ്രഖ്യാപിച്ച സമരവുമായി മുന്നോട്ട് പോകാന്‍ ബസുടമകള്‍ തീരുമാനിച്ചു. കേരളത്തില്‍ ജൂണ്‍ ഏഴ് മുതല്‍ അനിശ്ചിതകാല സമരം ആരംഭിക്കുമെന്ന് സ്വകാര്യ ബസുടമകള്‍ അറിയിച്ചു. ചര്‍ച്ചയില്‍ മുന്നോട്ട് വെച്ച നിര്‍ദേശങ്ങളോട് മന്ത്രി കൃത്യമായി പ്രതികരിച്ചില്ലെന്നാണ് ബസ് ഉടമകള്‍ ആരോപിക്കുന്നത്. ആവശ്യങ്ങള്‍ പരിഗണിക്കാമെന്ന് മാത്രമാണ് മന്ത്രി അറിയിച്ചത്. ഈ സാഹചര്യത്തില്‍ സമരം നടത്തുമെന്ന് കാണിച്ച് ഗതാഗതമന്ത്രിക്ക് നോട്ടീസ് നല്‍കിയതായി സമരസമിതി കണ്‍വീനര്‍ ടി. ഗോപിനാഥ് അറിയിച്ചു. വിദ്യാര്‍ഥികളുടെ മിനിമം കണ്സഷന് അഞ്ച് രൂപയാക്കണം, കണ്സഷന് നിരക്ക് ടിക്കറ്റിന്റെ 50 ശതമാനമാക്കണം, കണ്സഷന് പ്രായപരിധി നിശ്ചയിക്കണം, ലിമിറ്റഡ് സ്റ്റോപ്പ് പെര്‍മിറ്റ് നിലനിര്‍ത്തണം എന്നിവയാണ് സ്വകാര്യ ബസുടമകളുടെ ആവശ്യങ്ങള്‍.
