ഏക സിവില്‍ കോഡ്: സിപിഎമ്മിന്റെ ട്രാപ്പില്‍ വീഴേണ്ടതില്ലെന്ന് മുസ്ലിം ലീഗ്.
കോഴിക്കോട്: ഏക സിവില്‍ കോഡ് വിഷയത്തില്‍ സിപിഎമ്മിന്റെ ട്രാപ്പില്‍ വീഴേണ്ടതില്ലെന്ന് മുസ്ലിം ലീഗ്. സംസ്ഥാന എക്‌സിക്യൂട്ടീവിലാണ് ഇതുസംബന്ധിച്ച അഭിപ്രായം ഉയര്‍ന്നത്. കോണ്‍ഗ്രസിനെ ഒഴിവാക്കി ലീഗിനെ ക്ഷണിക്കുന്നത് സിപിഎമ്മിന്റെ രാഷ്ട്രീയ തന്ത്രമെന്നാണ് യോഗം വിലയിരുത്തിയത്. ക്ഷണം ആത്മാര്‍ഥമാണെങ്കില്‍ സിപിഎം പരിപാടിയിലും പങ്കെടുക്കാം. എന്നാല്‍ പരിപാടിക്ക് പൊതുസ്വഭാവം വേണമെന്ന വിലയിരുത്തലും യോഗത്തിലുണ്ടായി.
