മെസ്സി മാജിക് ; ഇഞ്ചുറി ടൈമിൽ ഇൻ്റർ മയാമി വിജയതേരേറി

ഫ്ലോറിഡ: . മേജർ ലീ​ഗ് സോക്കറിൽ അവസാന സ്ഥാനക്കാരായ ഇൻ്റർ മയാമിക്ക് ലീ​ഗ്സ് കപ്പിൽ വിജയത്തുടക്കം. യൂറോപ്പ് വിട്ട് അമേരിക്കൻ സോക്കറിലെത്തിയ ലയണൽ മെസി അരങ്ങേറ്റം ​ഗംഭീരമാക്കി. ഇഞ്ചുറി ടൈമിൽ നേടിയ ​ഗോളിലൂടെ ക്രൂസ് അസൂലിനെ ഇന്റർ മയാമി പരാജയപ്പെടുത്തി. അരങ്ങേറ്റ മത്സരത്തിൽ നേരിട്ടുള്ള ഫ്രീകിക്കിലൂടെ ലയണൽ മെസിയാണ് ഇന്റർ മയാമിയുടെ വിജയ​ഗോൾ നേടിയത്. 11 മത്സരങ്ങൾക്ക് ശേഷമാണ് ഇൻ്റർ മയാമി വിജയിക്കുന്നത്..

മത്സരത്തിൻ്റെ ആദ്യ പതിനൊന്നിൽ മെസിയെ ഇറക്കിയില്ല. ആദ്യ പകുതിയിൽ 44-ാം മിനിറ്റിൽ ഇന്റർ മയാമി മുന്നിലെത്തി. റോബർട്ട് ടെയ്ലറാണ് ആദ്യം വലകുലുക്കിയത്. ആദ്യ ​ഗോളിൻ്റെ ആത്മവിശ്വാസത്തിൽ ഇന്റർ മയാമി രണ്ടാം പകുതിക്ക് ഇറങ്ങി. 53-ാം മിനിറ്റിൽ രണ്ട് മാറ്റങ്ങൾ. ഇൻ്റർ മയാമിയിലെ അരങ്ങേറ്റക്കാരായ ലയണൽ മെസിയും സെർജിയോ ബുസ്കെറ്റ്സും കളത്തിലിറങ്ങി. 65-ാം മിനിറ്റിൽ ക്രൂസ് അസൂൽ ഒപ്പമെത്തി. യൂറിയൽ അന്റൂനയാണ് ​ഗോൾ നേടിയത്.
മത്സരം 90 മിനിറ്റ് പിന്നിട്ടു. ഇഞ്ചുറി ടൈമായി നാല് മിനിറ്റ് അനുവദിച്ചു. മത്സരത്തിൻ്റെ അവസാന മിനിറ്റിലാണ് മെസി മാജിക് സംഭവിച്ചത്. യൂറോപ്പ് മാത്രമല്ല അമേരിക്കൻ സോക്കറും തനിക്ക് ചേരുമെന്ന് മെസി തെളിയിച്ചു. ക്രൂസ് അസൂൽ ബോക്സിന് പുറത്തുനിന്നെടുത്ത ​ഫ്രീകിക്ക് ​​ഗോൾപോസ്റ്റിനകത്തേയ്ക്ക് പാഞ്ഞു. ഒന്നിനെതിരെ രണ്ട് ​ഗോളുകൾക്ക് ഇന്റർ മയാമിയുടെ ജയം.