കേരളത്തിൽ കോൺഗ്രസിനെക്കാൾ വലിയ പാർട്ടി മുസ്ലിം ലീഗ്:ഇ പി ജയരാജൻ

കേരളത്തിൽ കോൺഗ്രസിനെക്കാൾ വലിയ പാർട്ടി മുസ്ലിം ലീഗ് എന്ന് സിപിഐഎം നേതാവ് ഇ പി ജയരാജൻ . സിപിഐഎമ്മിന്റെ പലസ്തീൻ ഐക്യദാർഢ്യ റാലിയിൽ പങ്കെടുക്കില്ലെന്ന ലീഗിന്റെ തീരുമാനം അവസാന വാക്കാണെന്ന് കരുതുന്നില്ല. ഇത്തരമൊരു വിഷയത്തിൽ ലീഗിന് പൂർണമായും മാറിനിൽക്കാൻ ആകില്ലെന്നും ഇ പി ജയരാജൻ പറഞ്ഞു.

ലീഗ് റാലിയുടെ ശോഭ കെടുത്തിയവർ ഈ തീരുമാനത്തിന് പിന്നിൽ പ്രവർത്തിച്ചിട്ടുണ്ടാകും. സിപിഐഎം റാലിയിൽ പങ്കെടുക്കേണ്ടെന്ന ലീഗ് തീരുമാനത്തിന് പിന്നിൽ കോൺഗ്രസ്സ് ആണ്.സംസ്ഥാനത്ത് കോൺഗ്രസിനെക്കാൾ സ്വാധീനം മുസ്ലിം ലീഗിന് ആണ്. ലീഗ് ഒറ്റയ്ക്ക് മത്സരിച്ചാൽ ഒരുപാട് സീറ്റ് ലഭിക്കും. കോൺഗ്രസ് തനിച്ച് മത്സരിച്ചാൽ ഒറ്റ സീറ്റും കിട്ടില്ല. എന്നും ഇ പി ജയരാജൻ പറഞ്ഞു.