വ്യാജ ഐഡി കാർഡ്: ‘സർക്കാർ അന്വേഷിക്കുന്നതിന് തങ്ങൾ എതിരല്ല ; ഏത് അന്വേഷണവും നടക്കട്ടെ;രമേശ് ചെന്നിത്തല

വ്യാജ ഐഡി കാർഡ് വിഷയത്തിൽ പ്രതികരിച്ച് കോൺ​ഗ്രസ് നേതാവ് രമേശ് ചെന്നിത്തല. സംഭവത്തിൽ സർക്കാർ അന്വേഷണം നടത്തട്ടെ. മുഖ്യമന്ത്രി അന്വേഷിക്കേണ്ട മറ്റു വിഷയങ്ങൾ ഇവിടെയുണ്ട്. അത് ആദ്യം അന്വേഷിക്കട്ടെ. യൂത്ത് കോൺഗ്രസ് തിരഞ്ഞെടുപ്പ് മാത്രമല്ല അന്വേഷിക്കേണ്ടത്. സർക്കാർ അന്വേഷിക്കുന്നതിന് തങ്ങൾ എതിരല്ല. ഏത് അന്വേഷണവും നടക്കട്ടെ എന്നും രമേശ് ചെന്നിത്തല പറഞ്ഞു.

ആദ്യം സർക്കാർ അന്വേഷിക്കട്ടെ അത് കഴിഞ്ഞിട്ട് പാർട്ടി അന്വേഷിക്കാം. എത്ര വലിയ നാടകം നടത്തിയാലും കേരളത്തിലെ 20 സീറ്റിലും യുഡിഎഫ് വിജയിക്കും. ഐഎൻടിയുസി ഇടുക്കി ജില്ലാ സമ്മേളനത്തിന്റെ ഭാഗമായ പൊതുസമ്മേളനം പുളിയന്മലയിൽ ഉദ്ഘാടനം ചെയ്ത് സംസാരിക്കുകയായിരുന്നു ചെന്നിത്തല.